Home
યોજના-ભરતી
મધ્યમ વર્ગ માટે મોટી રાહતની તૈયારી : 50 લાખની હોમ લોન પર મોદી સરકાર આપશે 9 લાખની સબસિડી..!

મધ્યમ વર્ગ માટે મોટી રાહતની તૈયારી : 50 લાખની હોમ લોન પર મોદી સરકાર આપશે 9 લાખની સબસિડી..!

02:36 PM September 27, 2023 admin

New Home Loan Subsidy Scheme | નવી હોમ લોન સબસિડી સ્કીમ | મોદી સરકાર 2024ની ચૂંટણી પહેલા એક મોટો માસ્ટર સ્ટ્રોક રમવા જઈ રહી છે. આ પગલું પ્રધાનમંત્રી આવાસ યોજના જેવું છે. જે 2019ની જેમ ફરી સત્તામાં પરત ફરવાનું મુખ્ય કારણ બની શકે છે. આ વખતે સરકાર મધ્યમ વર્ગને મોટી ભેટ આપવાની તૈયારી કરી રહી છે. જેમાં તે 50 લાખ રૂપિયા સુધીની હોમ લોન પર 9 લાખ રૂપિયા સુધીની સબસિડી આપી શકે છે. આનો અર્થ એ છે કે હોમ લોનના ગ્રાહકો કુલ લોનની ચુકવણીમાં 9 લાખ રૂપિયાની બચત કરશે. જો આમ થશે તો શહેરોમાં રહેતા મધ્યમ વર્ગને મોટી રાહત મળશે અને તેમના માટે પોતાનું ઘર મેળવવાનું સપનું સરળ બની જશે. મહત્વનું છે કે વડાપ્રધાન નરેન્દ્ર મોદીએ 15 ઓગસ્ટે લાલ કિલ્લા પરથી આ નવી યોજનાની જાહેરાત કરી છે. જેના વિશે સપ્ટેમ્બર માસના એન્ડમાં નિર્ણય લેવાનું કહેવામાં આવ્યું હતું.

► આ યોજનાની તૈયારી શું કહે છે ?

રોઇટર્સના રિપોર્ટ અનુસાર કેન્દ્ર સરકાર આગામી એક કે બે મહિનામાં નવી સ્કીમ શરૂ કરી શકે છે. આ અંતર્ગત સરકાર 50 લાખ રૂપિયા સુધીની હોમ લોન પર વ્યાજ સબસિડી આપશે. રિપોર્ટ અનુસાર આ અંતર્ગત 3-6.5 ટકા સબસિડી આપવામાં આવશે. જે અંતર્ગત વધુમાં વધુ 9 લાખ રૂપિયાની વ્યાજ સબસિડી આપી શકાય છે. 50 લાખથી ઓછી લોન લેનારા હોમ લોન ગ્રાહકો આ યોજનાનો લાભ મેળવી શકશે. ઉપરાંત, આ અરજી વધુમાં વધુ 20 વર્ષ સુધીની લોન માટે કરી શકાય છે. આ યોજના 2028 સુધી પાત્ર રહેશે. સરકાર ટૂંક સમયમાં જાહેરાત કરી શકે છે કે નવી યોજના ક્યારે લાગુ કરવામાં આવશે અને તેની યોગ્યતાની શરતો શું હશે. આશા છે કે આ યોજનાથી 25 લાખ પરિવારોને સીધો ફાયદો થશે.

► યોજના અંગે વડાપ્રધાને શું કહ્યું હતું ?

આ યોજના વિશે, 15 ઓગસ્ટના રોજ, વડાપ્રધાન નરેન્દ્ર મોદીએ લાલ કિલ્લા પરથી કહ્યું હતું કે, શહેરોમાં ભાડાના આવાસ, ઝૂંપડપટ્ટી, ચાલ અને અનધિકૃત કોલોનીઓમાં રહેતા પરિવારો પોતાના ઘરનું સ્વપ્ન જુએ છે. જો તેઓ પોતાનું ઘર બનાવવા માંગતા હોય, તો અમે તેમને બેંકમાંથી જે લોન મળે છે, તેના વ્યાજમાં રાહત આપીને તેમને લાખો રૂપિયાની મદદ કરવાનો નિર્ણય લીધો છે. આ પછી કેન્દ્રીય આવાસ અને શહેરી બાબતોના મંત્રી હરદીપ સિંહ પુરીએ કહ્યું હતું કે, શહેરોમાં ઘર ખરીદનારાઓ માટેની નવી યોજના સપ્ટેમ્બરમાં ફાઈનલ કરવામાં આવશે.